Шри Чинмой дэлхийн маш олон их дээд сургууль, тэр дундаа Харвард, Оксфорд, Кембрижийн сургууль дээр орчин үеийн эрэлчдэд зориулан шашин, йог, сэтгэл зүрхний амьдралын чухал ач холбогдлыг онцолсон лекц уншсан юм. Шри Чинмойн Миний Ороонго өвсний Лигийн Навчис (Ороонго өвсний Лиг – Америкийн зүүн эргийн элит 8 их дээд сургуулийн холбоо) номонд Харвард, Иель, Стэнфордын их сургуулиудад уншсан лекц оржээ.
Бид энэ сайт дээр Шри Чинмойн туурвисан утга зохиолын бүх бүтээлийг танилцуулахаар зорьсон юм. Одоогийн байдлаар энд 1799 ном зохиол байрлууллаа. Үүнээс 7 нь монгол хэл дээр орчуулагдаад байна.
Номын жагсаалт:
Шри Чинмойн бүтээл туурвил
Их дээд сургууль дээр хийсэн лекц, яриа
Асуулт, хариулт
Олон жилийн турш Шри Чинмой сэтгэл зүрхний амьдралын талаар маш олон асуултанд хариулж, энгийн, шулуун, хүчтэй хариултаараа бодит амьдралд маш хэрэгтэй зөвлөлгөө өгсөн юм. Эдгээр асуулт, хариултыг Шри Чинмой хариулж байна ба Дөлт Давалгаа гэх мэт цуврал номонд эмхтгэн оруулжээ.
Яруу найраг
Шри Чинмой нь бүтээл арвин яруу найрагч байсан бөгөөд түүний нэр 130 000 гаруй яруу найраг, залбирал, афоризмтой холбоотой. Шри Чинмойн өсвөр болон дөнгөж хорь гаруйхан насандаа бичсэн олон алдартай, эртний яруу найргийг Миний Лимбэ номонд эмхтгэжээ.
Шри Чинмойн яруу найргийн ихэнх бүтээлийг гурван домогт цуглуулгаас харж болно:
- Арван Мянган Дөлт Цэцэгс: 1978 оноос 1983 он хүртэл бичсэн.
- Хорин Долоон Мянган Тэмүүллийн Суулгац : 1983 оноос 1998 он хүртэл бичсэн.
- Далан Долоон Мянган Зүтгэлийн Мод: 50 000 яруу найргийг 1998 оноос 2007 он хүртэл бичжээ.
Түүх
Шри Чинмой түүх,домог ярих дуртай байв. Шри Чинмойн түүх, домгийн цуглуулгат Энэтхэгийн уламжлалт түүхийн хувилбарууд (жишээ нь Энэтхэг ба түүний гайхамшгийн найр цуврал) мөн түүний Энэтхэг тосгоны амьдрал болон 43 жилийн турш гэрээ болгосон Өрнөдийн амьдралаас сэдэвлэсэн олон шинэ түүх багтана.
Жүжиг
Шри Чинмой нь Будда, Христ, Шри Чайтаня, Шри Рамакришна зэрэг агуу Аватаруудын амьдралын тухай, тэдний амьдрал болон сургаалын онцлог, мөн чанарыг харуулсан олон жүжиг бичсэн юм. Эдгээр жүжиг нь дэлхийн өөр өөр сэтгэл зүрхний амьдралын салшгүй нэгдлийг тодотгож өгдөг.
Гарамгай хүмүүст үзүүлэх хүндэтгэл
Шри Чинмой сэтгэлийнхээ гүнээс хүндэтгэн биширдэг хүмүүстээ хүндэтгэл үзүүлэн олон ном бичжээ. Эдгээр номонд Ерөнхийлөгч Михаил Горбачёв, Ерөнхийлөгч Нельсон Мандела, Тереза эх зэрэг агуу хүмүүсийн өндөр амжилт, гэгээлэг чанарын тухай яруу найраг, дуу, ярилцлага орсон юм.
Шри Чинмойн амьдралын түүхүүд
Шри Чинмой өөрийн намтрыг бичиж байгаагүй ч хүүхэд, залуу байх үеийнх нь олон товч түүх түүний номонд хэвлэгдсэн байдаг. Тэрээр хожим нь Өрнөдөд өнгөрүүлсэн өдөр тутмын амьдралынхаа хөгжилтэй явдлаасаа Хорвоогийн туршлагын мод өөд авирагч (түүний дэлхийгээр аялсан түүхүүд) ба Гүй бас хүр (түүний спортын бэлтгэлээс) гэх зэрэг номондоо хуваалцжээ.