Хорин Долоон Мянган Тэмүүллийн Суулгац, 241-р хэсэг

24001

Аливаа сэтгэл зүрхний зам дээр үлдэх
Хамгийн шилдэг арга бол
Эргэлзээнгүй тэр замыг
Бүр өөрийн болгон авахад оршино.

24002

Би уйлах л юм бол
Бурхан инээх болно хэмээн
Миний доторх хүмүүн боддог.
Гэвч зүрхнийхээ инээмсэглэлийг
Бурханд би өргөх тэр л үед
Бурхан хамгаас бахархалтай
Мишээх болно гэдгийг
Миний доторх бурханлаг мэддэг.

24003

Тэмүүлэлт зүрх минь
Хүн төрөлхтний нулимс,
Бурханлаг оршнолын Мишээл хоёрыг
Холбосон гүүр юм.

24004

Аяа Бурхан эрэлчин,
Асар том алхам
Урагш хийхээс бүү ай.
Бурхан чиний дотор,
Чамаар дамжин
Хамгийн том Мөрөөдөлөө
Мөрөөдөж байна.

24005

Миний тэмүүлэлт зүрх
Бурханы Нигүүсэлийн Мэлмийг дагадаг.
Миний овжин ухаан
Бурханы Өршөөлийн Өлмийг дагадаг.

24006

Яаж ч овжноор
Сэтгэл сүнснээс уравсан гэсэн
Миний ухаан
Үргэлж ялагдагч болдог.

24007

Чин үнэнч ухаан,
Ариун зүрх хоёр
Бурханд хүрэх замдаа
Хэзээ ч төөрөхгүй.

24008

Амгаланг эрэгчид
Хамгийн шилдэг
Бурханыг хайрлагчид гэж
Тэмүүлэлт зүрхэндээ би
Үргэлж хүчтэй мэдэрдэг.

24009

Гадаад харанхуйтай
Бид хутгалдвал
Дотоод хямрал
Хязгааргүй доройтох болно.

24010

Эргэлзэл зонхилсон ухаан
Бурханы Үүдний хонхыг
Хэзээ ч сонсож чадахгүй.

24011

Хүмүүн бүр
Санаатай болон санаандгүй
Итгэлээс суралцдаг.

24012

Зориуд бас байнга
Бурханд дуулгаваргүй байвал
Бурхан чамайг өршөөж мэдэх ч
Дотроо чи
Бурханыг ухамсарлахуй,
Бурханд огоорох огоорол,
Бурханд талархах талархалд
Бүрэн дэлгэрэх боломжийг өгөх хүртэл
Өөрийгөө чи хэзээ ч
Өршөөж үл чадна.

24013

Дуулгаварын үр үгүй бол
Хайрын суулгац байх боломжгүй.
Хайрын суулгац үгүй бол
Бишрэлийн мод байх боломжгүй.
Бишрэлийн мод үгүй бол
Огоорлын жимс байх боломжгүй.

24014

Өглөөний залбирлынхаа гоо сайхныг
Би нандигнан хадгалдаг.
Үдшийн бясалгалынхаа анхилгыг
Би нандигнан хадгалдаг.

24015

Бидний амьдрал
Боломжоор дутаагүй.
Бидний амьдрал
Шийдмэг байдлаар дутдаг.

24016

Бурханы Хүсэлтэй
Нэгдлээ тогтооход бидэнд
Бодлоос ангид ухаан
Бүхнээс илүү хэрэгтэй.

24017

Эзэн минь,
Өөртөө хангалуун хүмүүсээс
Үргэлж хол байх боломжийг
Надад хайрлаач!
Танаас би гуйн залбиръя.
Эзэн минь,
Зөвхөн Танаас
Байнга хамаардаг хүмүүстэй
Үргэлж ойр байх боломжийг
Надад хайрлаач!
Танаас би гуйн залбиръя.

24018

Эзэн Дээдгэгээн минь
Таныхаа бүхнийг мэдэх,
Бүхнийг хангах Хүсэлийг би
Зориуд, санаатай ойлгохыг хүсэхгүй үедээ
Сэтгэлийн гүнээс Танд хайртай хэмээн
Хэрхэн зүрхэлж хэлэхээ мэдэхгүй байна.

24019

Ухааныхаа ширэнгэн ойд
Түүнийг би
Сарнайн ариуслын өнгөөр будахаар ордог.
Зүрхнийхээ цэцэрлэгт
Түүнийг би
Лянхуан бурханлаг өнгөөр будахаар ордог.

24020

Амьдралын аливаа салбарт
Амжилтанд хүрэхийг хүсвэл
Хутга мэт хурц төвлөрлийг
Хөгжүүлэх ёстой чи.

24021

Бурхан өөд дүүлсэн
Бодлыг тээх болгонд би
Аз жаргалын далайд умбадаг.

24022

Эзэн Дээдгэгээнээ баярлуулахын тулд
Өглөө бүр би наад зах нь
Зүрхний анхилгат долоон дууг дуулдаг.

24023

Бурханы Хүсэлд огоорсон тэр л цагт
Зүрхнийхээ
Мандан гийх ханамжийн нартай
Нөхөрлөж би чадна.

24024

Галзуу ухаанаасаа
Зугтаж би чадах ч
Гунигт зүрхнээсээ зугтана гэдэг
Зүгээр л боломжгүй хэрэг.

24025

Бардам тайван байснаар
Бага ч гэсэн баяслыг би авахгүй.
Чин сэтгэлээсээ амгаланг дуудсанаар л
Баяр хөөрийг би хүртдэг.

24026

Ариун дагшин энерги,
Талархлын анхилга хоёр
Зүрхний минь амжилт байх болтугай.

24027

Асар их зүйлийг
Хэрхэн бүтээдгийг минь
Хүмүүс асуух тоолонд
Зүрхний маань үндэс
Огоорлын хөрсөнд
Тун гүн суусан юм гэж
Тэдэнд би хэлдэг юм.

24028

Зүрхний минь тэмүүллийн эрчим
Ухааны бардам мунхаглалтай
Өдөр бүр тэмцдэг.

24029

Эзэндээ би
Талархлынхаа тансаг сайхныг
Өргөх тоолонд
Зүрх минь
Миний төсөөлж чадахаас ч
Хязгааргүй илүү гэрэлтэн гялалздаг.

24030

Аниргүй ухаан
Үнэндээ Бурханаас ирсэн
Маш ховор хишиг.

24031

Бидэнд тэмүүлэлт зүрхээ тэлэх
Олон арга байгаа ч,
Зүрхэн дотроо
Цэцгийн ариун байдлыг
Төсөөлөх нь хамгийн хялбар арга.

24032

Мөч бүрт
Надад хэрэгтэй зүйл бол
Талархлыг тэлэх амьсгал.

24033

Зүрхнээс ирэх
Сэтгэл догдлуулам урам зориг
Зорилгот маань хүрэх замыг
Лавтай бидэнд зааж чаддаг.

24034

Бурханы жинхэнэ хайж буй зүйл бол
Бидний чадвар бус
Харин хүсэл эрмэлзэл юм.

24035

Хойш нь тавих
Хугацаа байхгүй гэдгийг
Хүсэл эрмэлзэл мэддэг.
Бүх зүйлийг нэн даруй,
Өөрийгөө зориулан,
Жаргалтай хийх хэрэгтэй.

24036

Хүсэл эрмэлзэлгүй байдал
Хангалттай хугацаа бий гэж боддог.
Тийм ч учраас тэр
Хурдтай байх шаардлагагүй байдаг.

24037

Сүндэрлэн босох нэр сүрээ
Ухаан үзмэр болгох дуртай.
Цэцэглэх сайн үйлээ
Зүрх нуун далдлахыг хүсдэг.

24038

Миний огоорлын зүрх,
Амьдралын жаргал хоёр
Үргэлж хамтдаа явдаг.

24039

Өглөө болоход
Шинэ ханамжийн төлөө
Миний амьдралын найдлага,
Зүрхний амлалт хоёр хамтдаа уулздаг.

24040

Итгэлийг минь бүрэн гүйцэд
Цэцэглэхэд нь туслаач гэж
Эзэн Дээдгэгээндээ
Өдөр бүр би залбирдаг.

24041

Ай халаг,
Бурханы Нигүүсэлийн Мэлмий,
Түүний Өршөөлийн Зүрхийг
Зовоохгүй өдөр гэж надад бий юу?

24042

Миний амьдралын баяр хөөр
Хүсэл эрмэлзэлт зүрхийг маань
Хангалттай шагнахаа хэзээ ч мартахгүй.

24043

Амар амгалангийн төлөө өгсөн
Амлалт болоод найдлага минь
Хаяагаа улам бүр тэлэх болтугай.

24044

Дуулгаваргүй эрэлчид
Хэзээ ч, хэзээ ч
Зорилготоо хүрэхгүй гэдгийг
Бурхан удахгүй өргөн олонд ил болгоно.

24045

Бурханд чи үнэхээр хайртай юу?
Тэгвэл чи энд ирээд
Бурханыг санагалзах нулимсаа
Асгаран урсахыг нь үзүүл.

24046

Сэтгэл зүрхний амьдралдаа
Би итгэл дүүрэн.
Учир нь Бурхан Өршөөлийнхөө
Дууг дуулж байгааг
Өдөр бүр би
Юу ч хийж байсан сонсдог.

24047

Сахиусан тэнгэрүүдийн
Ариун амьсгал л
Хүмүүний ухааныг
Ариусгаж чадна.

24048

Бурханыг зорьсон
Уралдааны тухайд
Дуулгавар үргэлж ялдаг.

24049

Ай халаг, өдөр бүр
Яагаад би эргэлзэгч ухаанд
Зүрхнийхээ гуа үзэсгэлэн,
Сүнснийхээ анхилгыг
Сүйдүүлэх боломж олгоно вэ?

24050

Сэтгэл зүрхний амьдралд
Хоосон бол дүүрэн байхын удиртгал.
Ай халаг, хоосон чанарыг
Ухаан амсах үедээ үхтлээ айна.

24051

Бурханы Өлмийн чимээг
Зөвхөн тэмүүлэлт,
Өөрийгөө зориулах сүнснүүд
Сонсож чаддаг.

24052

Бүр нисэхээсээ өмнө
Хүслийн жигүүр бэртдэг.
Хязгааргүй уудам Тэнгэрээр
Тэмүүллийн жигүүр
Хөөрөн, хөөрөн нисдэг.

24053

Хайр бол амьдралын дуусаагүй дуу.
Бишрэл бол амьдралын дуусаагүй дуу.
Огоорол бол амьдралын дуусаагүй дуу.
Зөвхөн нойроо умартан, амьсгалаа дарсан
Бурханы нэгдлийн зүрх бол
Амьдралын төгс дууссан, үргэлж ханамжийг өгөх дуу.

24054

Хүүхэд цагийн
Мартагдсан мөрөөдөлдөө эргэн ор.
Амьдралынхаа бодит үнэнээс
Авах ханамжийг хурдасгаж
Чи чадах болно.

24055

Ухааны шуургыг бид
Заримдаа урьдчилан харж чадна,
Заримдаа харж чадахгүй.
Харин Бурханлаг Энэрэл
Дээрээс буун ирэхээс нааш
Зүрхний шуургыг
Урьдчилан харна гэдэг
Бараг боломжгүй хэрэг.

24056

Эзэн минь,
Миний дотор буй
Таны Бурханлаг Бодит Үнэнийг
Ээлжлэн халхалж, нээдэг
Ухааныг надад бүү өгөөч.

24057

Энгийн ухаан,
Чин үнэнч амьдрал,
Ариун зүрхтэй бол чи
Мөнхийн Замаар алхахад
Үнэхээр бэлэн болжээ.

24058

Эзэн минь
Таны Халамж надад хэрэггүй.
Эзэн минь
Таны Нигүүсэл надад хэрэггүй.
Эзэн минь
Та надад Санаа тавих хэрэггүй.
Эзэн минь
Танаас цорын ганц зүйл надад хэрэгтэй:
Өглөө бүр, үдэш бүр
Таны Өлмийн тоосыг үнсэх
Боломжийг надад олгооч.

24059

Бусад нь хаян одоход
Эзэний минь Нигүүсэлийн Мэлмий
Сэмхэн ирдэг,
Эзэний минь Өршөөлийн Зүрх
Илхэн ирдэг.

24060

Өөртөө хүрэх замыг
Ухааны минь дотор тавих
Зав Бурханд байхгүй.
Харин намайг
Зорилготоо хүрээд,
Үргэлж тэнд
Амьдарч чадаасай гэсэндээ
Өдөр бүр
Зүрхний минь дотор
Шинэ гүүр тавиад
Бурхан завгүй.

24061

Эзэмшиж болох
Хамгийн сайн зүйл бол
Тэмүүлэлт зүрх.
Биелж болох
Хамгийн сайн зүйл бол
Өршөөлт сүнс.

24062

Өглөө бүр Бурхан
Урамшлынхаа Ундарганаас
Хүссэн хэмжээгээр минь
Хүртээх гээд намайг урьдаг.

24063

Өг, өг, өг гэсэн
Бурханлаг хэрэгцээнээс
Үхэлгүй мөнхийн аз жаргал дэлгэрдэг.

24064

Өгөх бол
Бурханлаг ариун дагшин зүйл.
Зүтгэх бол
Дээдийн дээд ариун дагшин зүйл.
Өөрийгөө зориулах бол
Мөнхийн ариун дагшин зүйл.

24065

Анхилгат зүрхтэй хүн
Өөрийгөө давахуйн
Гэрэлт илгээмжийг
Бусдад чөлөөтэй түгээх болно.

24066

Өгч байх үеэ санахгүй,
Авч байх үеэ мартахгүй байхыг
Бурхан надаас хүсдэг.

24067

Эзэн Дээдгэгээний минь
Нигүүсэлийн Зүрх
Гэнэтхэн тохиох бус харин
Үргэлж, хай сайгүй байг.

24068

Хэрэв чи
Өчигдрийн сүйрэл дээрээ уйлвал
Амьдралынхаа ялалтын тавцан дээр
Хэрхэн зогсож чадах билээ?

24069

Дотоод, гадаад ертөнц
Аль алинд нь
Үгүйсгэл
Бурханлаг Бодит үнэний
Цог жавхааг мохоодог.

24070

Дуулгаварт амьдралтай
Дүйцэх зүйл үгүй гэж
Бурхан бидэнд үргэлж хэлдэг.

24071

Бурханы Хүсэлийн төлөө
Бүх зүйлээ өгөх үед
Хязгааргүй оршнолын Эргийн
Ширхэг элс болон
Хэзээ ч бид үлдэхгүй.
Бид зөвхөн Хязгааргүй оршнолын
Тэр Эрэг нь болно.

24072

Аяа ухаан минь,
Хорвоогийн аяллаа
Мөнхлөхийг хүсвэл
Бурханы Удирдамжийг
Дагахаас бүү татгалз.

24073

Бурхан бүх зүйлийг мэдээд зогсохгүй
Тэр бидний дотор, биднээр дамжин
Давтагдашгүй аргаар өсөн буйг мэдрэх нь
Мөч бүрийг хамгийн сайнаар ашиглаж байна гэсэн үг.

24074

Өөрийгөө зориулан
Бурханы зүг хандсан хүн бүрийг
Түүний төгсгөлгүй урт Мутар
Нэн даруй тэврэн авна.

24075

Бурханы Хүсэлтэй хамтарсан
Дуусашгүй яриа бус,
Харин Бурханы Хүсэлийн дагуу хийсэн
Төгсгөлгүй алхаа, гүйлт надад хэрэгтэй.

24076

Агуу ухаан минь бус
Харин сайн санаат зүрх
Бурханы Рашаан бялхсан Зүрх рүү
Чөлөөтэй зорчдог.

24077

Өглөө бүр би Бурханд
Нигүүсэлээ
Нэмэн өгөхийг гуйн залбирдаг.
Үдэш бүр би Бурханд
Өршөөлөө
Нэмэн өгөхийг гуйн залбирдаг.

24078

Итгэсэн ч, үл итгэсэн ч
Миний талархалт зүрх
Бүхий л гай зовлонг минь
Бурханлаг адислал
Болгон хувиргах чадалтай.

24079

Бурхан, Бурханы Өршөөл хоёр хамтдаа
Зүрхний маань тэмүүллийн хөрсийг
Өдөр бүр боловсруулдаг.

24080

Бурханд үнэмшихүй минь хангалтгүй.
Бурханд итгэхүй минь ч хангалтгүй.
Харин Бурханд огоорохуй минь
Зөвхөн хангалттай төдийгүй
Маш их хангалттай.

24081

Миний талархалт зүрх
Бурханы Төгөлдөр болоод
Бурханы Ханамжийн Өргөөнд
Чөлөөтэй зорчих эрхтэй.

24082

Талархалт зүрх минь
Миний ухааны бүх үгүйсгэлээс
Тэс ондоо зүйл.

24083

Бурханы Хүсэлийг
Биелүүлэх юм бол
Бид нэн даруй
Түүний хамгийн хайр татам
Цэцэгс нь болдог.

24084

Ай халаг, сүмэн зүрх,
Ариусалт ухаан хоёрыг би
Хүсэн мөрөөдсөөр сууна.

24085

Залбирах үедээ би
Бурханы Нигүүсэлийн Зүрхэнд
Гинжлүүлэхийг хүсдэг.
Бясалгах үедээ би
Бурханы Шударга Үнэний Мэлмийд
Гинжлүүлэхийг хүсдэг.

24086

Өдөржин, шөнөжин
Ухаан минь унтана.
Өдөржин, шөнөжин
Зүрх минь мэгшинэ.
Нойроо умартан, амьсгаа даран
Сүнс минь зөгнөнө.

24087

Зүрхнээсээ би
Дуртай үедээ зугтаж чадна.
Гэвч халаг гэж
Ухаанаасаа зугтах гэж хүсээд
Боломжгүй хэрэг гэдгийг нь
Би ухаарсан юм.

24088

Аяа Бурханыг тунхаглагч баатруудын арми,
Та нарын үүрэг бол
Бурханд нөхцөл болзолгүй зүтгэхэд оршино.
Харин Бурханы үүрэг бол
Гарцаагүй та нараар бахархахад оршино.

24089

Хорвоо ертөнцөөс алдаа олох гэж оролдох цагт
Бурхан нэн даруй намайг хэн ч биш харин
Төгс бус байдлын өндөр тулгуур багана
Болохыг минь надад үзүүлдэг.

24090

Аяа ухаан минь,
Яг одоо амгалан,
Өчүүхэн ч гэсэн амгаланг олж авах
Цаг чинь болсон гэж
Бодохгүй байна уу чи?
Тийм бол чи зүг чиггүй бодлын
Яаран урсах гол мэт бүү аашил!

24091

Талархалт зүрхний минь
Цэцэрлэгийн шувууд
Эзэн Дээдгээний минь
Илгээмжийг түгээн нисч байхдаа
Үзэсгэлэнтэй, ариунаас гадна
Өөрийгөө үргэлж зориулдаг.

24092

Бурхан дуртай бүхнээ хийж чадна.
Хамгийн их гайхалтай нь
Дан өөрийгөө гэх
Бүтэлгүй амьдралаар
Цэнгэхийн тулд
Завиа хүртэл Тэр сэгсэрч мэднэ.

24093

Зам ологч
Хүн бүрт хэрэгтэй.
Алдаа ологч
Хэнд ч хэрэггүй.

24094

Хорвоод ноёрхлоо тогтоохыг
Ухаан минь үргэлж эрмэлзэнэ.
Бүхний дээр Бурханыг томилохыг
Зүрх минь үргэлж эрмэлзэнэ.

24095

Хүслийн борооны улирлаар
Нэгэн удаа нэвширтэл норсон
Амьдралаа одоо бодохоор
Тачигнатал би хөхрөн хөгжинө.

24096

Зүрхний ариун мэдрэмжийг
Ухаан үргэлж үгүйсгэхийг оролддог.
Харин зүрх үргэлж Бурханы Үзэл санааг
Хүсэл эрмэлзэлгүй ухааны амьдралд
Нэвтрүүлж, дэлгэрүүлэхийг хүсдэг.

24097

Яагаад Бурхан намайг
Анзаарахгүй байгаа юм бол?
Мунхаг харанхуйн тоосонд
Зүрхээ бүхэлд нь даруулсан тул
Тэрээр намайг анзаарахгүй байна.

24098

Хорвоог бүү буруутга,
Бурханыг хүртэл бүү буруутга.
Гутралын ангал руу
Арчаагүй унасандаа
Зөвхөн өөрийгөө буруутга.

24099

Гадаад сургууль надад
Хорвоо ертөнцтэй холбоотой
Толгой эргэм мэдээллийг заадаг.
Дотоод сургууль надад
Диваажинд чөлөөтэй
Ханамжит гэгээрлийн тухай заадаг.

24100

Бурханыг Өөрийнх нь Аргаар
Баярлуулахыг хүсч байвал чи
Мөч бүрт өөрийгөө
Бэлэн байдал, хүсэл болоод эрмэлзлийн
Хүчит давалгаа гэж мэдрэх ёстой.

Библиотека Шри Чинмоя