Хорин Долоон Мянган Тэмүүллийн Суулгац, 243-р хэсэг
24201
Огооролт зүрхэнд лБурханы Хүсэл
Дуулж бас бүжиглэдэг.
24202
Зүрхний минь мөрөөдөлТэнгэрлэг мишээлээр дүүрэн.
24203
Залбирал бүхий,Чин зүрхний нулимсаараа
Талархалт зүрхнийхээ замыг би засна.
24204
Бурханд дуулгаваргүй байдалСэтгэл зүрхний амьдралыг
Баялаг үгүй болгодог.
24205
Өршөөлийг төмөр Хуулиа болгоснооБурхан бидэнд
Байн байн батлан харууллаа.
24206
Сэтгэл зүрхний ертөнцөдБурханы сонгосон цагт
Бүх зүйлийг оролдож үзэх хэрэгтэй,
Бурханы сонгосон цагт
Бүх зүйл амжилттай бүтэх ёстой.
24207
Миний сэтгэл сүнс өдөр бүрЗүрхнийхээ хурдны зам дээр эргүүл хийдэг.
Тиймээс би аваар ослыг олж үл харна.
24208
Ай ухаан минь,Яагаад чи
Хардлага сэрдлэгийн хот руу
Тэгж олон зочилно вэ?
24209
Дотоод бодит үнэн рүү бидЧөлөөтэй нэвтрэх болсон цагт
Сөрөг зүйл бүр чухамдаа
Эерэг зүйл байхыг ухаарна.
24210
Дээрээс онцгой Энэрэл буусан учирЭцсийн эцэст
Утга учиргүй их ажиллах ухаанаа
Орхин намайг одохыг албадаж би чадлаа.
24211
Харамсалтай нь хүн болгонӨөрийн дээдийн дээд,
Хамгийн доод хоёрын хооронд
Хаа нэгтээ амьдардаг.
24212
Хамгийн өндөр оргилоосЁроолгүй ангал руу унахгүйн тулд
Өглөө бүр би залбирал бүхий,
Чин зүрхнээсээ бясалгадаг.
24213
Эцсийн эцэстДаажигналын золиос болохгүй
Нэг ч амиа бодогч үгүй.
24214
Зүрх маань үлэмж ихОршоомжтой болоход
Бурхан амьдралыг минь
Хичнээн бахдалтай,
Тэнгэрт тултал магтахыг бид харна.
24215
Чин зүрхний инээмсэглэл гэж юу вэ?Энэ бол Бурханы шавхагдашгүй Хүч.
24216
Бурханы ЭнэрэлдБүрэн итгэх итгэлээ хөгжүүлснээр би
Амьдралын ов мэхийн хаан болсон
Эргэлзлийг
Адаг сүүлд нь авч хаясан юм.
24217
Дотоод гүнээ умбахад Бурхан биднийгСүнснийхээ наран гэрэлтсэн мэлмийд
Саадгүй хүрэх боломжоор адисладаг.
24218
Дэлхий эхийн зүрхний анхилга шигТийм бурханлаг, дээдийн дээд,
Төгөлдөр зүйл гэж байх боломжгүй.
24219
Хүслийн ертөнцөд бидХорвоод хүлэгдсэн
Зугаа цэнгэлээр хөгжилдөн жаргадаг.
Тэмүүллийн ертөнцөд бид
Диваажинд чөлөөтэй
Баяр жаргалын балаар баясан жаргадаг.
24220
Үнэний жинхэнэ эрэлчин угаасааДипломтой, мэргэшсэн Бурханыг хайрлагч.
24221
Дуусашгүй огоорол минь болЭзэний минь Баяр баяслын
Давхарт хүрэх урсдаг шат юм.
24222
Онгодын баяр хөөрийн голдУмбахийг хүсвэл
Ухааныхаа ширэнгэн ойд бус
Зүрхнийхээ цэцэрлэгт цэнгэн тогло.
24223
Тамирын бузар,Ухааны атаархал,
Зүрхний айдас бол
Бидний дотор буй
Гурван мөнхийн мунхаг.
24224
Гадаад үнэмшилЧухамдаа
Дотоод итгэлийн
Болхи орлогч.
24225
Амьдралаа биЭзэнийхээ Амьсгалаар хийсэх
Навч болгохыг
Хичнээн их хүснэм.
24226
Бурхан биднээс ялгаатай ньБүтээлээ төгөлдөр хэмээн боддог.
Гэхдээ Тэрээр бүтээлээ
Улам бүр төгөлдөржүүлэхийг хүсдэг.
24227
Үргэлжид хойш суух ухаанд миньБурхан бүхнээс илүү дургүй.
24228
Бурханд дуулгавартай байхадҮргэлж бид бэлэн бол
Онгодын баяр хөөрийн оргилд
Амархан авирч чадна.
24229
Баясгалант дуулгавар миньЭзэн Дээдгэгээнээ
Алдахгүй урамшуулдаг.
24230
Өдөр бүрТэмүүлэлт зүрх минь
Эзэний минь төгс Хүсэлийн
Өлмийд хургаж үлддэг.
24231
Хорвоогийн хувьсалОгт дуусаагүй байна.
Тиймээс бид
Урам хугаран унаад хэрэггүй.
24232
Миний тэмүүллийн амьдралБурханыг баярлуулдаг.
Миний хүслийн амьдрал
Бурханыг зугаацуулдаг.
24233
Бурхан хүмүүнийг нигүүлсэнгүйУдирдан дагуулахыг оролддог.
Хүмүүн Бурханыг овжноор
Төөрөлдүүлэхийг оролддог.
24234
Тэмүүллийн ертөнцөд миньШалтаг тоочих ухаан
Эцсийн дүгнэлтийг
Хэзээ ч хийх ёсгүй.
24235
Өдөр бүр Бурхан бидэндИтгэлийн соронзон орчинд
Амьдрах чадварыг өгөөд зогсохгүй
Боломжийг бас олгодог.
24236
Миний хийж байсанБүхий л сонголтоос
Огооролт зүрх минь
Хамгийн шилдэг нь юм.
24237
Өөртөө эргэлзэх эргэлзлийгЭрс бид эсэргүүцдэг бол
Амьдралын тэмцлийн талбарт
Амжилтанд хүрэх нь дамжиггүй.
24238
Өөрийн ухаандӨчүүхэн төдий ханамж буйг
Бурханд би харуулахад
Тэр надаар үнэхээр бахархдаг.
24239
Би маш хатуу шийдэмгий чанарынЭзэн болох цагт
Бурхан зүрхийг маань
Ханамжийн гэрчилгээгээр адислана.
24240
Эргэлзлийн ээдрээн дундУхаан минь амьдрахаа больжээ.
Ямар учраас?
Учир нь амьдрал минь
Бурханы тэнгэрлэг Мөрөөдөлийн
Тунхаглал болсон юм.
24241
Миний зүрхний гэрТааламжит мөрөөдлөөр дүүрэн.
Миний ухааны гэр
Гашуун үнэнээр дүүрэн.
24242
Аяа зүрхний минь найдварын баганаЗовлон зүдгүүрийн хорвоог
Түшихийн тулд чи надад хэрэгтэй.
24243
Харамсалтай нь,Ухааныхаа машины тачигнах чимээг
Яаж зогсоохоо би мэдэхгүй байна.
24244
Бүхий л оршнолооХайрт Эзэн Дээдгэгээнийхээ
Энэрэлийн зүг чиглүүлэхгүй юм бол
Амьдралын тулалдааны талбарт
Амжилтанд хүрэх талаар бид
Яахан найдаж чадах билээ?
24245
Хамгийн өчүүхэн найдвар чЗорилгот минь хүрэх замыг
Надад үзүүлж чадна.
24246
Итгэлээс өөр илүү үр дүнтэй,Үзэсгэлэнтэй зүйл бий гэж үү?
Байхгүй, ердөө байхгүй!
24247
Дуулгавартай байх мөч бүрТуйлын Зорилго руу маань
Урагш хөтлөх нэгэн алхам.
24248
Бүр дотоод амьдралын ялалтаас илүүИлэрхий үр дүнтэй олон ялагдал
Гадаад амьдралд минь бий.
24249
Аз жаргал болБидний тэмүүлдэг
Бүх зүйлийн зүрх нь юм.
Бурханы бурханлаг хүүхэд бол
Бидний болох гэж тэмүүлдэг
Бүх зүйл маань юм.
24250
Амьдралын туйлын чухал тэмцэлд ялахадБидэнд зөвхөн тэсвэр бас тэвчээр хэрэгтэй.
24251
Атаархал бүрэн хор хөнөөлтэй.Бид түүнийг ухааруулж амжихаас өмнө
Тэр өөрийгөө хүртэл хөнөөдөг.
24252
Өнөөдөр би эцсийн эцэстБурханыг ухаарахуй,
Бурханд бэлэн байдал,
Бурханыг хүсэн эрмэлзэхүйн
Урсгалыг хаах хаалтыг нээлээ.
24253
Бүх хүмүүсБурханыг тунхаглах урам зоригоо хуваалцвал
Хорвоо дэлхий амжилтанд хүрэх нь гарцаагүй.
24254
Сэтгэл зүрхний амьдрал чухамдаа урт аялал.Амжилтанд хүрэхийг хүсвэл
Аяллаасаа бид баяр баясалгаланг авах ёстой.
24255
Бүх зүйл өөрчлөгддөг боловчЮу ч өөрчлөгдөхгүй юм.
Энэ бол өдөр тутам бид
Гадаад амьдралдаа анзаардаг зүйл.
24256
Өөртөө эргэлзэх шигХөнөөлт өвчин байхгүй.
Үүнтэй ижил,
Бурханыг хүлээн авах шиг
Үр дүнтэй эм байхгүй.
24257
Үгүйсгэл гэж юу вэ?Санаатай болон зориуд
Ухааны эрч хүчийг маань
Шавхах зүйлийг хэлнэ.
24258
Өчүүхэн өстөн дайсан гэж үгүй!Эзэн Дээдгэгээний Энэрэлийн
Сайн хамгаалал байхгүй бол
Ямар ч дайсан биднийг сүйрүүлж чадна.
24259
ДайсагналыгСулруулахын тулд
Мөч бүр
Бурханлагийн Өлмийд
Бид үлдэх ёстой.
24260
Бурханы НигүүсэлӨдөр бүр биднийг цуглуулж,
Хамгийн дээд оргилийг
Үзүүлэх гэж өргөж бас өгдөг.
24261
Талархал биднийДотоод амьдралыг анхилгатай болгодог.
Итгэл зориг бидний
Гадаад амьдралыг анхилгатай болгодог.
24262
Өдөр бүр БурханМорилон ирж, Мутараараа
Сармагчин ухааныг минь номхруулахыг
Түүнд би гуйн залбирдаг.
24263
Хамгийн хуучны, ариун нандин,Адислагдсан шүтээн бол
Бурханы Хүсэлд огоорох
Бидний хувиршгүй мөрөөдөл.
24264
Бурханд дуулгавартай байвал бидБурханы хамгийн урт Ханамжийн Шатаар
Хялбархан өгсөж чадна.
24265
Бурханд дуулгавартай байх аваас бидУхааны мунхаглалаас
Хялбархан өөрийгөө хамгаалж чадна.
24266
Бид нойроо умартаж, амьсгаа даранБурханд дуулгавартай байх үед
Бурхан биднийг ухааны өрөөнөөс
Зүрхний ордон руу аваачдаг.
24267
Бурхан үргэлжИтгэж болох андыг хайдаг.
Чи бэлэн үү?
Үгүй бол, хэзээ чи бэлэн болох вэ?
24268
Өглөө бүр би БурхандГанц зүйлийн төлөө залбирдаг:
Зөвхөн зүрхний минь
Шүтээний нулимсыг хамгаалаач.
24269
Мунхаг харанхуйн дайралтандБууж өгсөн хүн
Өөрийгөө нээгч
Хэзээ ч болж чадахгүй.
24270
Зүрхний минь амьсгал доторЭргэлзэл, тээнэгэлзэл хоёр
Хоргодохыг хэзээ ч би зөвшөөрөхгүй.
24271
Өөрийгөө өрөвдөх ньХачирхалтай нэг чадалтай.
Тэмүүлэлт зүрхний маань мандах нарыг
Тэрээр амархан бүрхэж чадна.
24272
Ай халаг,Тааламжит шөнийн зүүдүүд минь
Үүр хаяарах алдад хаашаа орчихов?
Хаашаа тэд алга болдог юм бол?
24273
Сэтгэл зүрхний амьдралыгТолгойн өвчнөөс өөрцгүй хэмээн
Бусад хүмүүс бодож мэднэ.
Харин миний хувьд
Сэтгэл зүрхний амьдрал бол
Зөвхөн зүрх, дотоод сэтгэлийн
Асар их баяр хөөр.
24274
Бясалгалын минь үргэлжлэл нэгдэлЭзэн Дээдгэгээнийг минь
Миний төсөөлж чадахаас
Хязгааргүй ихээр баярлууллаа.
24275
Өрсөлдөхийн төлөө бус,Гэгээрлийн төлөө өөрийгөө ялах
Залбирлын тэмцээн надад хэрэгтэй.
24276
Миний ухааруулах сүнс бол дуудлага,Миний тэмүүлэх зүрх бол хариулт юм.
24277
Бурханы бүх Ертөнцийн Ухамсар болБурханы мөнхөд тунхаглагдах Хүслийн
Өлгий нутаг.
24278
Бурханы Нигүүсэлийн МэлмийдХүрэх боломжтой хэдий ч
Бурханы Өршөөлийн Өлмий
Дур булаам.
24279
Эзэн Дээдгэгээний мааньТэвчээрээс бусад бүх зүйл
Чөлөөнд гарч магадгүй эсвэл
Чөлөөнд гарах болно.
24280
Ухааны минь эргэлзэлт зам,Бурханы адислалт Зам хоёрын хооронд
Одод хоорондын урт зай
Үргэлж хэвээр үлдэх болно.
24281
Тэмүүлэлт зүрхний минь эрмэлзэл,Эрэн хайгч ухааны минь урам зориг хоёр
Бурханыг зорих аялалд маань
Мөнхөд анхдагч болон үлдэнэ.
24282
Ухааныхаа доторҮгүйсгэл мөхөх цагийг
Би байж ядан хүлээнэ.
24283
Нөхцөл болзолгүй, чин сэтгэл, зүрхнээсээ,Хүн төрөлхтөн нэгэн дуугаар
“Бүх зүйл Бурхан төлөө байх ёстой.
Бурханы төлөө Бурхан болцгооё.
” хэмээн хэлж чадсан цагт
Бурханы хамгийн дээд амжилт нь ирэх болно.
24284
Би үхэшгүй мөнх гурван найзтай:Амьдралын минь эгэл байдал,
Зүрхний минь гуа үзэсгэлэн,
Сүнсний минь бурханлаг.
24285
Гадаад амьдралдааАмжилтанд хүрэхийг,
Дотоод амьдралаа
Цаашид үргэлжлүүлэхийг хүсвэл
Сүнснийхээ бурханлагтай
Үргэлж холбоотой бай.
24286
Эргэлзэгч ухаан зөвхөнТөгсгөлгүй гомдолд итгэдэг.
Тэмүүлэлт зүрх зөвхөн
Хорвоог урамшуулах сайшаалд итгэдэг.
24287
Дотоод ертөнцөдУлам бүр ихсэх талархлыг,
Гадаад ертөнцөд
Улам бүр нэмэгдэх огоорлыг
Дуудах хүмүүн бол
Бурханы гэгээрлийн сургуульд
Нэгдүгээр зэргийн сурагч юм.
24288
Бурханы хувиршгүйНигүүсэлийн Нулимс биш бол
Өөр юу намайг болон ухааныг маань
Өөрчлөн хувиргах билээ.
24289
Бэрхшээл бодлоос эхэлдэг тулУхаандаа амьдрах аваас
Бэрхшээл үргэлж оршсоор байна.
24290
Талархалгүй ширэнгэн ухааныг миньБурхан бараг танихаа больжээ.
24291
Юу хийж байгаагааБид ухаардаггүй нь харамсалтай.
Илүү их тэмүүллийг дуудахын оронд
Илүү ихийг бид шунан уйлна.
24292
Бүрэн огооролт амьдралыг бидХүлээж авбал
Бурхан биднийг
Бурханлаг хайрынхаа төгс элч болгоно.
24293
Үдэш бүрЭзэн Дээдгэгээн минь
Миний зүрхний нулимсанд найддаг.
Харин би
Түүний Мэлмийн Мишээлээс хамаардаг.
24294
Зүрхний цэцгийгЧин сэтгэлээсээ дуудсан хүмүүн
Бурханы Зүрхнээс нь
Цэцгэн мандлыг хүртдэг.
24295
Бурхан хаа сайгүй байх боловчТэмүүлэлт дуудлагынхаа нулимстай
Бидний зүрх Түүнтэй хамт байхгүй үед
Тэрээр ганцаардлыг мэдэрдэг.
24296
Урам хугарлаас ангижирсан амьдралБидний сэтгэл зүрхний аяллыг
Төсөөлснөөс минь илүү хурдасгадаг.
24297
Хорвоод хүлээтэй хүслийг мааньБурхан биелүүлэх тоолонд
Ханамжгүйн гянданд бид
Өөрийн эрхгүй ордог.
24298
Эргэлзлийн тас шувуундНисэн одох бололцоог олгож
Өнөөдөр би ухааныхаа торыг
Үлэмж томоор дэлгэлээ.
Ингэснээрээ Онгодын баяр хөөрийн
Далайд би сэлж байна.
24299
Аз жаргал дэлхий дээр байдаг болӨршөөл гэх
Ганц бурханлаг чанар дотор олдох болно.
24300
Бурханы хувиршгүй Ханамжийн Мишээл гэхЗөвхөн ганц зүйлд ухаан минь
Нойроо умартан бишрэлтэй байх болтугай.
